Somos a túa asesoría

Sampedro e Vidal Asesores goza, desde os seus comezos, dunha excelente reputación profesional, baseada no recoñecemento que o seu equipo humano ten obtido pola súa extensa traxectoria, durante a cal foi moi aprezada a proximidade e coidada atención a clientes. Desde o seu nacemento, Sampedro e Vidal Asesores cumpriu coa máis estrita confidencialidade respecto de calquera información facilitada.

Unha das misións de Sampedro e Vidal Asesores é ofrecer ás empresas servizos profesionais de gran calidade e efectividade, que brinden valor agregado ás organizacións e un verdadeiro sustento na área de recursos humanos e administración de persoal, optimizando os seus recursos para o logro dos seus obxectivos.

Ofrecémosche un novo concepto de asesoramento e consultoría que permitirá que che centres no verdadeiramente importante: o teu negocio. Tratamos a túa empresa de forma global, asesorándoche en todos os seus ámbitos desde unha perspectiva integral.

Todos os medios

Un despacho no que todos os nosos medios están á túa disposición, co fin de realizar un correcto asesoramento en materia contable, fiscal e socio-laboral, adquirindo o compromiso de axilidade e eficacia na xestión. A formación continua do noso persoal,  e a experiencia adquirida ao longo destes anos ao servizo das PEMES, son os alicerces fundamentais en que se sustenta a nosa organización.

Desde os nosos inicios caracterizámonos polo noso forte compromiso en axudar ás empresas no desenvolvemento das súas actividades e proxectos. O noso equipo de asesoría e xestión, potencia constantemente a actividade innovadora e esta ponse de manifesto en novos produtos, novos procedementos ou novos deseños, así como na actividade mercantil.

Atención individual e personalizada

Todas as empresas temos a obriga de cumprir a lexislación vixente. A túa seguramente xa o fai, pero é posible que queiras sacar máis partido á súa xestión contable ou que necesites asesoría fiscal e laboral completa e de maneira permanente. Ter a alguén ao teu lado en quen poder apoiarse permite ver as cousas doutra maneira, en definitiva, dános seguridade.

Ás veces, o máis complicado convértese en sinxelo nas mans adecuadas. Sente a liberdade de dispor de persoal sempre ao teu servizo e esquécete dos procesos de asesoría fiscal, laboral, xestión contable, tramitacións de vehículos ou temas relacionados coas pólizas de seguros.

Temos a resposta máis apropiada para cada unha das necesidades da túa empresa, xa sexa a través do noso equipo de especialistas ou mediante alianzas estratéxicas con outros despachos de máxima garantía e confianza.